صحرا میں پانی کا آعلان

 صحرا میں پانی کا اعلان

خدا نے ایک آدمی کو بھیجا جس کانام یوحنا تھا۔وہ اس لئے آیا کہ نور کی شہادت دے۔ اور سب لوگ اس کے زریعے ایمان لائیں۔وہ خود تو نور نہ تھا مگر نور کی گواہی دینے آیا تھا۔حقیقی نور جو ہرانسان کو روشن کرتا ہے، دنیا میں آنے والا تھا۔ یوحنا 1باب6تا9 آیات

یوحنا ایک ایسا آدمی تھا جو اپنے مشن کو جانتا تھا اور اس نےاسے سنجیدگی سے لیاتھا۔ وہ روشنی کا راستہ دکھانے کے لیے منادی کرتا ہے۔ یوحنا نے  آنے والے مسیحا کے بارے میں پرانے عہد نامے کی پیشین گوئیوں کا مطالعہ کرتے ہوئےنور یعنی یسوع کی گواہی دی تھی۔

وہ بظاہر کبھی یسوع سے نہیں ملا تھا، حالانکہ وہ قریبی رشتہ دار تھے۔ یہ ان دونوں کے درمیان کسی طرح کی منصوبہ بندی کے طور پر دیکھا جا سکتا تھا - اور پھر یوحنانے منادی شروع کی اور یسوع کو دیکھ کر کہاکہ یہ خداکا برہ ہے۔لیکن اُس نے کہا کہ روح القدس نے اُسے بتایا تھا کہ جب وہ روح القدس کو ایک آدمی پر اُترتے اور وہاں ٹھہرتے دیکھےتو وہ وہی  نور ہو گا۔ اور جب اس نے اسے یسوع پر  دیکھا تو اس نے ایمانداری سے گواہی دی۔

وہ کچھ عرصے سے منادی کر رہا تھا، لوگوں کو توبہ کرنے کے لیے کہہ رہا تھا، کیونکہ خُدا کی بادشاہی قریب تھی، بالکل اُن کے درمیان۔ یروشلم کے رہنماؤں نے حقیقت میں اسے کافی سنجیدگی سے لیا اور ایک وفد بھیج کر اس سے پوچھا کہ وہ کون ہے۔ کیا وہ مسیحا ہے؟ ایلیاہ؟ پیغمبر؟" نہیں، یوحنا  نے کہا، نہیں، نہیں، اور نہیں۔

پھر تم کون ہو؟ انہوں نے مطالبہ کیا۔یوحنا نے جواب دیا، میں بیابان میں پکارنے والی آواز ہوں۔ خداوند کے لئے راہ تیار کرو۔  اور  میں وہی کر رہا ہوں جس کی یسعیاہ نبی نے تبلیغ کی تھی۔اچھا، پھر تم بپتسمہ کیوں دے رہے ہو؟ تب یوحنا نے ان کو بتایا کہ میں تو پانی سے "میں صرف پانی بپتسمہ دیتا ہوں۔ یوحنا نے انہیں بتایا کہ تمہارے درمیان ایک شخص موجود ہے جسے تم نہیں جانتے وہ میرے بعد آتا ہے۔اور میں تو اس کے جوتوں کے تسمے کھولنے کے بھی لائق نہیں ہوں۔

موجودہ دور میں اگر آپ کو یہ بلاہٹ ہو کہ نور کی گواہی دوکہ نور تمہارے درمیاں آچکا ہے۔ تو آپ کا رد عمل کیا ہوگا؟ کیا آپ کو نور کی پہچان دی گئی ہے؟ جس طرح یوحنا کو دی گئی تھی ۔ کیا آپ اس دور کے یوحنا بننے کے لئے تیار ہیں؟ تاکہ آپ یسوع کے گواہ بن سکیں۔ کیا آپ ازلی بادشاہت کے لئے راہ کے تیار کرنے والے بن سکتے ہیں؟ آئیں مل کر دعا کریں۔

اے خداوند میں کمزور ہوں تو بھی چاہتا ہوں کہ تیرا گواہ بن کر دنیا میں لوگوں کے آسانیاں پیدا کرنے والا بن جاؤں جس طرح آپ نے یوحنا کو طاقت بخشی تاکہ وہ آپ کا گواہ بنے مجھے بھی اپنے فضل سے یہ ہمت اور قوت عطا فر ما دیں تاکہ میں بھی صحرا میں ایک اچھی آواز بن کر لوگوں کو زندگی کے پانی کے پاس لانے کا وسیلہ بن جاؤں۔ آمین